以斯拉5章
默想：猶太人動工起造聖殿及耶路撒冷城牆，遇著河外總督的查問，猶太人的首領為什麼應答講：「阮是天地的上帝的奴僕…」？
祈禱：阮的上帝，阮欲對祢忠心，然後才考慮對人的反應；阮欲先互主歡喜，才考慮得著別人的歡喜。佇此個無信上帝的世界，阮欲尊主做大，免得阮得罪祢。
以斯拉6章
默想：上帝激動波斯王古列起造聖殿，藉大利烏王下令來完成。上帝掌管歷史，伊的旨意高過一切。上帝也欲建造我的生命，我有什麼通驚呢？
祈禱：上帝，我相信祢的大權能及慈愛，欲一步一步塑造我、鍛鍊我。無有任何的勢力會阻擋祢對我的計劃。
以斯拉7章
默想：照亞達設西王互以斯拉的文件來看，伊斯拉真受到波斯王的重視。為什麼伊閣欲千里迢迢轉來耶路撒冷？
祈禱：賜下律法的主宰上帝，阮欲學習祢的律例，閣將祢活命的話向四周圍來宣揚。求祢的聖手幫助阮。
以斯拉8章
默想：以斯拉帶領猶太人轉去耶路撒冷前，佇亞哈瓦河邊伊為什麼宣佈禁食祈禱？
祈禱：感謝主佇阮人生的路程，常常看顧、保守阮平安。以後阮可能會遇著危險、艱難，求祢聖手遮截、保護。
以斯拉9章
默想：基督徒會使嫁娶未信者嗎？主耶穌會希望我怎樣對待未信的一伴呢？我欲怎樣佇我的婚姻、家庭中為主做見證？
祈禱：求主赦免我佇婚姻、家庭生活中常常無注意、無好的見證，致使我心愛的人猶信主。我相信主欲用我祝福另外一伴，建立基督化的家庭。
以斯拉10章
默想：以斯拉為了信仰的純正，拆散猶太人異族的聯婚。我的家庭會使按呢作嗎？上帝怎樣看「撒門娶迦南妓女喇合」、「波阿斯娶摩押寡婦路得」？
祈禱：求上帝鑒納我的婚姻，就像撒門及喇合、波阿斯及路得的婚姻受祝福；甚至親像先知何西阿對牽手忠信及寬容，來見證上帝不變的疼。
尼希米1章
默想：尼希米有犯罪嗎？為什麼伊欲為著伊及伊老父的家承認有罪，禁食祈禱幾若日？
祈禱：為著楠梓區、高雄市、台灣祈禱。求上帝赦免我及我老父的家攏有罪，政治腐敗、百姓拜偶像、無敬畏上帝。求上帝用大氣力、大權能藉著主耶穌基督的拯救，憐憫阮、賜福阮。
