阮信上帝，創造、統治人及萬物的獨一真神。
祂是歷史及世界的主，施行審判及拯救。
祂的子對聖神投胎，對在室女馬利亞出世做人，
做咱的兄弟，就是人類的救主耶穌基督，
對祂的受苦、釘十字架死、閣活，
顯明上帝的仁愛及公義，互咱及上帝閣和。
祂的神，就是聖神，站在咱中間，賞賜氣力，
互阮在萬百姓中做見證，直到主閣來。
阮信，聖經是上帝所啟示的，
記載祂的救贖，做阮信仰及生活的準則。
阮信，教會是上帝百姓的團契，
受召來宣揚耶穌基督的拯救，做和解的互者，是普世的，
閣釘根在本地，認同所有的住民，
通過愛及受苦，來成做盼望的記號。
阮信，人對上帝的恩典來悔改，罪得赦免，
用虔誠、仁愛、及獻身的生活歸榮光上帝。
阮信，上帝互人有尊嚴、才能，以及鄉土，
來有份於祂的創造，負責任和祂相及管理世界。
對按呢，人有社會、政治及經濟的制度，
也有文藝、科學，閣有追求真神的心。
總是人有罪，誤用這些恩賜，
破壞人、萬物、及上帝的關係。
所以，人著倚靠耶穌基督的救恩。
祂要互人對罪惡中得著釋放，
互受壓制的得著自由、平等，
佇基督成做新創造的人，
(齊聲)互世界成做伊的國，充滿公義、平安及歡喜。
台灣基督長老教會係由英國長老教會馬雅各醫師在主後一八六五年，以及加拿大長老教會偕叡理牧師在主後一八七二年所開創。這兩個教會是承受蘇格蘭的教會之信仰傳統，即加爾文在日內瓦根據聖經之宗教改革，提倡「榮光只歸上帝」的改革教會基本精神。
我們的教會從初創，接受古代教會的使徒信經和尼西亞信經，以及韋斯敏斯德信仰告白，至今我們仍然遵守上述信經與告白為信仰規範。
